Ow’emyaka 24 agwire omumaizi bwanyima y’okugwa entsimbo

N’ebya Omushaki Waitu

Bushenyi:

Pooriisi omu disiturikiti ya Bushenyi eriyo necondooza oku omutsigazi w’emyaka 24 agwire omukidiba ky’amaizi bwanyima y’okugwa entsimbo.

Ofiire yamanywa nka Hamson Nuwabiine, omutuura wa Ntaza 1 omu divijooni ya Ishaka.

Kurugiirira ahamugambirizi wa pooriisi ahabw’ekyanga ekya Bushenyi empango, Apollo Tayebwa, eki kibeireho Orwakana rwa wiiki egi obu Nuwabiine abaire agiire kunabira omukidiba ky’amaizi haihi n’omuka obu agwire entsimbo nikwo kugwa omumaizi.

Abanyabuzare be bamanyise pooriisi ngu atweire nateganisibwa endwara y’okugwa entsimbo.

Ogu omubiri gwe gweihirwe omumaizi nikwo kutwarwa ah’eirwariro erya KIU omuri Ishaka kukyeberwa.

#WestUpdates