Omukumi yateera omukundwa we amasasi yaamwita nawe yayeyita- Mayuge.

N’ebya Doreen Musingo

MAYUGE

Omukumi omu disiturikiti eya Mayuge yateera omukundwa we amasasi yaamwita.

Omukumi orikukora na kampuni y’eby’okwerinda eya Priority 1 Security Group abaire nakuma aha ofiisi za Bugadde SACCO omu tauni kanso ya Bugadde omu disiturikiti eya Mayuge.

Omugambirizi wa Pooriisi ahabw’ekyanga ekya Busoga East, Diana Nandawula, yaagamba owayita nka; Steven Inyanya, 38, kandi omukundwa we ou aitsire ni; Sarah Ayeyo, 30.

Okurugiirira ahari Nandawula, ahari shaaha nka 5:58 z’akasheeshe k’eriizooba, omukumi yaakwata embundu kuruga omu kyaro kya Bugadde nikwo kuza aha mwanya ahi omukundwa we yaaba ari.

"Ku yaahikaho, yaashanga orwigi rukingire nikwo kuteeza kodi, omukazi akahika nayiguraho orwigura, Inyanya yamuteera amasasi agamwitiraho,” Nandawula arikushoborora.

Yayongyeraho ngu na bwanyima, Inyanya yaagaruka aha ofiisi za SACCO ahi yayeteerera amasasi omu maraka nawe akeyita.

Nandawula naagira ngu Pooriisi yahika aha mwanya ahi yaashanga embundu erimu amasasi 14 hamwe n’ebishoshonkore by’amasasi kandi emitumbi y’abagyenzi yaatwarwa omu kabafu ah’irwariro erya Mayuge Health Centre IV kukyeberwa.

Naagira ngu okucondooza omunshonga egi kuriyo nikugyenda omu maisho.

#WestUpdates