Pooriisi erikutwara emitumbi y'abagyenzi ah'eirwariro erya Mayuge kukyeberwa omu kiro ky'orwamukaaga ebiro 29.06.2024.

Ne’bya Omushaki weitu

MAYUGE

Abantu bana b’ek’emwe omu kyaro ekya Namataale omu gomborora eya Buwaaya omu disiturikiti eya Mayuge bateirwe amasasi orikuteekateekwa kuba ari omuserukare wa UPDF bafeeraho. 

Pooriisi etandikire kucondooza ekikorwa ky’obwinazi eki ekibaireho Orwamukaaga ebiro 29.06.2024 shaaha nka 3 z’ekiro ahi abantu 4 bafiire n’abandi 5 bakatunga obuhuta bw’amaani.

Abereebiire n’agabo nibagira ngu nyakuteekateekwaho abaire ajwire Mask, Ovoro erikwiragura y’enkofira, arikutamburira ahari Piki kandi ateire amasasi abantu abo b’eka emwe. 

Isaac Buyinza Mudhasi, muka w’eka egyo kandi omwe aha bafiire nagambwa atwire omunshonga z’eitaka kandi kooti ebaire neza kutaaha omu nshonga ezi wiiki erikwija. 

Buyinza nagambwa kuba aitsirwe n’abahara 2 hamwe n’omutabani.

Diana Nandawula, Omugambirizi wa Pooriisi ahabw’ekyanga ekya Busoga East, ahamize amakuru aga kandi naagira ngu Pooriisi eriyo nehiiga abainazi abakozire ekikorwa eki. 

Naagira ngu omu barikuhiigwa harimu na mwine-nyina w’omugyenzi.

#WestUpdates
#RadioWestAt25