Omushaija aitsire abantu 2 ahabw’enshonga za rukundo- Mitooma.

N’ebya Omushaki weitu

MITOOMA

Omushaija omu disiturikiti eya Mitooma aitsire abantu babiri ahabw’enshonga za rukundo.

Eki kibaireho omu kasheeshe ka nyomwebazyo aha Sande ebiro 25.08.2024 omu kyaro ekya Nyandago B omuri Mutooma.

Muhumuza Gerald, 30, nagambwa ahenzire akataaha omunju shaaha nka 9 z’ekiro kandi abaire agyendereire omukundwa we, Asiimwe Sylivia ou abaire nateekateeka ngu aine omushaija omu nju.

Bwanyima y’okuhenda orwigi, Muhumuza ateireho kutema Asiimwe Sylivia beitu ahendiire aitsire Turyasingura Stephen, omukumi kandi obaire aine Sylivia omu nju.

Omu kavuyo ako, nabwo Muhumuza acumitsire muhara wa Sylvia omanyirwe nka Amutuhaire Fortunate, 11. Amutuhaire afiire arikutwarwa ah’eirwariro. Nyakuteekateekwaho airukire yabura.

Pooriisi etandiikire kucondooza enshonga egi kandi eriyo nehiiga Muhumuza Gerald.

#WestUpdates