Biishopu Twinomujuni akozire empinduka omubaheereza b’ekanisa omuri West Ankole Dayosiisi. Photo by Bruno Mugizi.

N’ebya Bruno Mugizi. 

BUSHENYI

Biishopu w’oburebeerezi bwa West Ankole, Rt. Rev. Johnson Twinomujuni ahindwire omu baheereza b’ekanisa n’ekigyendererwa ky’okwongyera kuteereza obuheereza omu burebeerezi obu.

Omu mpinduka eziraangiriirwe aha Sande ebiro 19.01.2025 omukushaba okubaire ahakanisa ya St. Peter’s Cathedral Bweranyangi omu disiturikiti eya Bushenyi, Biishopu Twinomujuni araangiriire empinduka ezirimu okukuza abahure, okuhindura abamwe n’okuhuumuza abahure abamwe.

Omuri abo abaahumuziibwe bwanyima y’okuhisya emyaka 65 barimu; Ven. Rev. Can James Kariisa obaire ari Sabadiikoni w’obusabadiikoni bwa Mitooma, Ven. Rev. Can. Yoramu Mwesigye otwire ari Sabadiikoni w’obusabadiikoni bwa Kyabugimbi hamwe n’omuburizi Jonas Tumwine, obaire ari omuburizi w’ekanisa eherize kutandikwaho eya Nyakabirizi Town Church omu Divijoni ya Nyakabirizi.

Omumpinduka ensya, Ven. Rev. Measarch Twinomugisha Kibeherere otwire ari Sabadiikoni w’obusabadiikoni bwa Katerera omuri Rubirizi atwirwe omu busabadiikoni bwa Masheruka omuri Sheema nka Sabadiikoni. Ogu naaza omu bigyere bya Rev.Ven Moses Turyaguma owaafiire okwezi okuhwaire bwanyima y’omutima gwe kubura kukora gye.

Ven. Rev. Laban Batungire obaire ari Sabadiikoni w’obusabadiikoni bwa Ishaka Urban hati niwe Sabadiikoni omusya o’obusabadiikoni bwa Mitooma kandi naaza omubigyere bya Rev. Can. James Kariisa ohumwire bwanyima y’okuhisya emyaka 65. Rev. Kenneth Mujinya obaire ari omwahure w’oburiisa bwa Mashonga C.O.U hati niwe Sabadiikoni omusya ow’obusabadiikoni bwa Ishaka Urban.

Rev. Tito Byambwenu ayihirwe omuburiisa bwa Butare yatwarwa omubusadiikoni bwa Rweibaare nka ‘provost’. Ven. Rev. Geoffrey Mwesigwa ayihirwe omubusabadiikoni bwa Rweibaare yatwarwa omu busabadikoni bwa Kyabugimbi kuza omu bigyere bya Ven. Rev. Can.Yoramu Mwesigye.

Rev. Sedrack Musasizi otwire ari omwahure w’oburiisa bwa Kyankukwe omuri Mitooma atwirwe omubusabadiikoni bwa Katerera nka Sabadiikoni kuza omu bigyere bya Ven. Rev. Measarch Kibeherere.

Ba Vicar abahindwirwe barimu;

Rev Fred Mwesigye kuruga All Saints Greater Bushenyi kandi atwirwe omuburiisa bwa Nyakatete, Rev Elizabeth Kushaba ayihirwe Nyakatete C.O.U yatwarwa omuburiisa bwa Nyakabirizi, Rev Nicholas Naturinda ayihirwe omuburiisa bwa Nyakabirizi yatwarwa omuburiisa bwa Butare, Rev Keith Ayebare atwirwe omuburiisa bwa Bweranyangi kuruga omuburiisa bwa Kashenyi, Rev Landson Akandwanaho ayihirwe Kigoma C.O.U yatwarwa omuburiisa bwa Rwamujojo, Rev Wellen Katusiime aihirwe omuburiisa bwa Home yatwarwa omu bwa Kirugu, Rev Enoth Kyankari ayihirwe Nyakabungo C.O.U yatwarwa omuburiisa bwa Kigoma, Rev Eliab Turyagumanawe arugire omuburiisa bwa Rwamujojo yatwarwa omuburiisa bwa Kashenyi, Rev Byayesu Benjamin ayihirwe omuburiisa bwa Bweranyangi yatwarwa omu bwa Mashonga, Rev Turyamusiima Bernard Kenda arugire omuburiisa bwa Kitagata yatwarwa omu bwa Kyankukwe.

Omukushaba oku, Biishopu Twinomujuni nabwo ayemekire abaaburizi 12, aba Diikoni 6 hamwe n’abahure 7.

Abahure barimu; Rev. Aturinde Agrace, Rev. Matovu Simon, Rev. Mugume Grace, Rev. Mujuni Sedrack, Rev. Nahabwe Christopher, Rev. Tumwijukye Julius, na Rev. Turindwamukama Apophia.

Abaaburizi barimu;
 Arinaitwe Rose, Bashaija Enoch, Kakuru Hannington, Kwikiriza Grigory, Mushemeza Godius, Mwongyera Epaphrus, Nasasira Agnes,Nuwahereza Wycliffee, Tugume Azalius, Tuhimbise Racheal, Tumusiime Modern na Turyatemba Aaron.

Biishopu agizire ngu empinduka ensya ezikozirwe n’ezaaburaijo kandi zigyendereire kwongyera kuhamya omurimo gwa Ruhanga n’okubunzya ekigambo kya Ruhanga. 

Biishopu Twinomujuni ayongiireho ngu empinduka ezikozirwe nizitandikiraho.

Ahigire abo boona abatongoziibwe obutaruha omu kukora omurimo murungi.

#WestUpdates