Pooriisi etongoizeho ehururu y’okukozesagye enguuto omumashomero...(Photo by UPF)

N’ebya Omushaki Waitu

Pooriisi erikujunaanwa n’okwejunisagye enguuto etongoizeho ehururu y’okushomesa ahakukozesagye enguuto omu abaana b’amashomero.

SP Kananura Mike, Omugambirizi wa pooriisi ey’ahanguuto na tiimu endiijo kuruga omu pooriisi aharwakana, 11/4/2024 bakambikiire omu disiturikiti ya Luwero ahi babaire nibagambaho n’amashomero gatari gamwe.

Ehururu egi eri ahansi y’omutwe, “Ebyanga kwejumbira omukukozesagye enguuto”.

Ehururu egi egyendereire okushomesa abaana ba purayimare okubakubaasa kwejunisagye enguuto.

Arikugambaho n’abeegi, SP Kananura ashabire amashomero obutaijuza munonga emotoka ezirikutwara abeegi, okureeba ngu emotoka ezi zaine ebyaapa hamwe na reflectors kandi n’okureeba ngu ba dureeva baine driving permits.

Riipota kuruga omu Pooriisi ya Uganda neyoreka ngu abantu 70 bakafeera omuri butandu kandi 329 bakatunga obuhuta omu wiiki emwe kwiha ebiro 4/3/2024 kuhitsya 10/3/2024.

Omuri abo abafiire, 22 bakaba bari omubyeiruka, 23 bari ahabigyere kandi 13 bari abashaabazi ahari piki.

Pooriisi negira ngu butandu ezi niziretwaho okuvugisa ekimama, sipiidi, okuvuga basinzire n’ezindi nshonga.

#WestUpdates