Poorisi erikwiha omubiri gwa Nahwera omumwanya ogu abaire naaraaramu omu Taso Village, Mbarara City. PHOTO: AIDAN BATARINGAYA

N’ebya Aidan Bataringaya

Omwegi w'itendekyero rya Mbarara University of Science and Technology yashangwa afeereire omunju eyi abaire naatuuramu omuri Taso Village. 

Ogu yaamanywa nka Prossy Nahwera enzaarwa ya Rwentojo omuri Ntungamo.

Kwaba kuri okucuramirirwa ahabeegi n’abazaire ba Prossy Nahwera omwegi wa Mbarara university of science and technology. 

Poorisi erikwiha omubiri gwa Nahwera omumwanya ogu abeire naatuuramu omu Taso Villa, Mbarara City. PHOTO: AIDAN BATARINGAYA

Ogu abaire nashoma diiguri y’eby’obushuubuzi omwaka gw’okubanza. 

Okurugiirira ahamwegi mutaahi we obaire naaraara nawe omunju, araire nawe ekiro, ku bwashesha yamwakura  konka tiyamanya yaaba yaba akihuriire ninga yaafiire. 

Aba baija kugaruka kumuhuriza shaha 9 z’eihangwe, baaruga kushoma, nikwo kushanga yaafiire.

Dr. John Kule Baguma omwegyesa orikwebembera abarikushoma eby’obushuubuzi ah’itendekyero eri, yaagira ngu nka University baamanyire amakuru g'okufa kwa Nahwera kandi bategyereize ebiraarugye omukukyebera bakamanya ekimwitsire. 

Dr. John Kule Baguma, omushomesa w'eishomo ry'eby'obushuubuzi ahari Mbarara University of Science and Technology. PHOTO: AIDAN BATARINGAYA

Baguma yayongyera yaagira ngu nka University nibashaasha ahabw’okufa kw’omwegi wabo kandi baagumya n’abazaire be.

Samson Kakasira omugambirizi wa poorisi ahabw'ekyanga kya Rwizi yaagira ngu poorisi yaatandikire okucondooza ekirugiriireho okufa kw'omwishiki ogu.

SP Samson Kasasira, omugambirizi wa poorisi ahabw'ekyanga ekya Rwizi

Omubiri gwa Nahwera gwatwarwa omuk’abafu ah’irwariro erikiru erya Mbarara okwongyera kukyeberwa. 

#WestUpdates