Omwegi ogu oshangirwe afiire amanyirwe nka; Prossy Nahwera, 20, enzaarwa ya Rwentojo omu disiturikiti eya Ntungamo. File Photo.

N’ebya Aidan Bataringaya

MBARARA

Omwegi w'eitendekyero erya Mbarara University of Science and Technology ashangirwe afeeriire omu nju ei abaire naturamu omuri Taso Village, Mbarara. 

Omwegi ogu oshangirwe afiire amanyirwe nka; Prossy Nahwera, 20, enzaarwa ya Rwentojo omu disiturikiti eya Ntungamo.

Nahwera abaire nashoma Diguuri y’eby’obushubuzi ( Bachelors of Business Administration ) kandi abaire ari omu mwaka gw’okubanza omu ‘semester’ ya kabiri. 

Okuruguirira aha mwegi mutaahi we obaire naraara nawe omu nju, ariire nawe omu kiro, kandi ku busheesire yamwakura kwonka tarikumanya abaire afiire nainga ahuriire.

Abeegi baizire kugaruka kureeba oku Nahwera (Omugyenzi) yasiiba shaaha 9 z’eihangwe Orwakabiri ebiro 28.01.2025 baaruga omu kushoma nikwo kumushanga afiire.

Dr. John Kule Baguma, Omushomesa orikwebembera abarikushoma eby’obushubuzi ah’eitendekyero erya MUST, naagira ngu nk’eitendekyero, bamanyire amakuru g'okufa kwa Nahwera kandi bategyerize ebirarugye omu kukyebera bakamanya ekimwisire. 

Samson Kakasira, Omugambirizi wa Pooriisi ahabw’ekyanga ekya Rwizi naagira ngu okucondooza omunshonga egi kuriyo nikugyenda omu maisho.

Omutumbi gw’omugyenzi gwatwarwa omu kabafu ah’eirwariro erihango erya Mbarara kwongyera kukyeberwa kumanya ekimwitsire.

#WestUpdates