Owabaireho Omuny’ishengyero wa Makindye West, Kyanjo yaafa.

N’ebya Beth Akatukunda

Owabaireho Omuny’ishengyero wa Makindye West kandi Purezidenti w’ekigombe ekya JEEMA, Hussein Kyanjo yaafa omu kasheeshe k’eriizooba.

Omugambirizi w’ekigombe eki, Kyamundu Ssentongo, yaahamya amakuru aga arikugira ngu Kyanjo yaafeera ah’irwariro erya Kibuli ahu abatwirwe kuragurirwa omu wiiki nkye ezihingwire.

Ssentongo yaayongyeraho ngu Kyanjo akabanza kutwarwa India kuragurrirwa nikwo kureetwa omu Uganda beitu akagaruka yaarwara.

Nihaija kubaho okushabira omugyenzi Hussein Kyanjo eriizooba Orwamukaaga aha muzigiti ogwa Kibuli ahari shaaha 10 z’omwabazyo. Omutumbi gwe nigwija kutwarwa omuri Ntuuma omu disiturikiti eya Bukomansimbi kandi naija kuziikwa aha Sande shaaha 8 z’eihangwe.

Kyanjo akajwekyera Makindye West omu Paramneti kumara emyaka 10 kuhisya obu yacwiremu obutesimba omu karuuru ka 2016.

Siipika wa Paramenti, Anita Among yaashasha n’abeka y’omugyenzi Kyanjo kandi yamugambaho nk’omwebembezi w’omutaano obaire nakunda kugaita hamwe abantu.

#WestUpdates