Sophie Auma, ow'emyaka 12 omwegi ah'eishomero erya Sibiyirise Primary school, Busia osingire okwiruka kwaba Rotary Club okwa kiromita 10. PHOTOs: Egessa Hajusu.

N’ebya Egessa Hajusu   

BUSIA

Omwishiki w’emyaka 12 omanyirwe nka Sophie Auma asingire okwiruka kiromita 10 okw’okurwanisa endwara y’ekookoro ahabw’omwaka 2023 okubeireho nyomwebazyo aha Sande.

Auma, n’omwegi wa P.5 ah’eishomero erya Sibiyirise Primary school omu tauni kanso ya Lumino-Majanji omu disiturikiti eya Busia.

Omu kwezi kwa 5, Auma akasinga empaka z’okwiruka ez’abaana abari ahansi y’emyaka 12 eza National under-12 cross country ezabaire omu disiturikiti eya Luweero. 

Omuny’ishengyero-kazi ahabwa disiturikiti eya Busia, Hellen Auma Wandera, Sophie Auma (Osingire okwiruka) na Purezidenti wa Rotary Club eya Busia, Geoffrey Wandera. Photo by Egessa Hajusu.

Omuny’ishengyero-kazi ahabwa disiturikiti eya Busia, Hellen Auma Wandera, obaire ari omwiruki mukuru aha mukoro ogutebeekansiibwe aba  Busia Rotary and Borderline Rotary clubs, ashabire abashuubuzi abari ahansharo okushagika okwiruka kwaba Rotary Club okw’ekika nk’ekyo.

Aba Busia Rotary and Borderline Rotary clubs, ashabire abashuubuzi abari ahansharo okushagika okwiruka kwaba Rotary Club.

"Omwe omur'itwe ninga omunyabuzaare waawe nari munywani waawe nabaasa kukwatwa endwara y’ekookoro eshaaha yoona,” Auma arikushoboorora kandi ashabire abashaho omu disiturikiti egi okwongyera amaani omu kushomesa aha kukyebeza endwara y’ekookoro.

Purezidenti wa Rotary Club eya Busia, Geoffrey Wandera ashabire abatuura okwegaita ahari Rotary Club arikukyoreka ngu eine puroguraamu nyingi ezigyendereire kubahwera.

Wandera naagira ngu esente zirikurenga omuri miriyooni emwe nizo zirundainwe kuruga omu kuguza eby’okwirukiramu arikwongyeraho ngu ekigyendererwa n’okwombeka n’okugura ebyoma by’okukyebera n’okuragurira endwara y’ekookoro by’eirwariro erya Nsambya omuri Kampala.

#WestUpdates