Uganda kutunga omubazi gw’okusirika omushwija gw’ensiri omwaka ogurikwija

Uganda kutunga omubazi gw’okusirika omushwija gw’ensiri omwaka ogurikwija

N’ebya Angella Naturinda

Uganda neija kutunga omubazi gw’okusirika omushwija gw’ensiri omukwakana omwaka ogurikwija.

Ebi byagambwa orikukurira eby’okujanjaaba omushwija gw’ensiri omu Minisiture y’eby’amagara, Dr. Jane Irene Nabakooza.

Dr. Nabakooza naagira ngu Uganda neija kubanza yatunga ebipumo 829,863 by’omubazi ogwa Mosquirix (RTSS) kandi ogu nigwija kukoresibwa abaana 218,160 abari ahagati y’amezzi 6-18.

Disiturikiti 19 omubyanga 6 ezirikukizayo omushwija gw’ensiri nizo zirikuza kubanza kutunga omubazi ogu.

Disiturikiti ezi harimu Abim, Agago, Bugiri, Busia, Gulu, orurembo rwa Gulu na Kiryandongo.

Ezindi ni Kitgum, Kotido, Kwania, Lamwo, Lira, Lira City, Napak, Nwoya, Omoro, Otuke, Oyam na Pader.

Dr. Nabakooza naagira ngu omubazi ogu gugyendereire okukyendeza ahandwara y’omushwija gw’ensiri n’okukyendeza abaana abarikutwarwa omu amarwariro hamwe n’okukyendeza abantu abarikwitwa omushwija gw’ensiri omu Uganda.

#WestUpdates