Ow’emyaka 30 bamushazireho omutwe omuri Kikuube.

N’ebya Omushaki weitu

KIKUUBE

Omushaija w’emyaka 30 bamushazireho omutwe n’omutumbi gwe bagunaga aha rubaju rw’enguuto haihi n’amakagye omu disiturikiti eya Kikuube.

Okwitwa kwa Akabwai Musinguzi nikugambwa kuba kubeireho omu kiro ky’orwakashatu ebiro 20.11.2024 omu kyaro kya Rusaka omu gomborora eya Kiziranfumbi omuri Kikuube.

Omutumbi gwe gubandize kureebwa abaana ababaire nibaza ah’eishomero omu kasheeshe k’orwakana ebiro 21.11.2024.

Abatuura nibagira ngu baheereruka kureeba omugyenzi omu kiro ky’orwakashatu ari omubaara arikuheereza bakasitoma be.

Omwe aha banyabuzaare b’omugyenzi naagira ngu nibateekateeka ngu Musinguzi abaasa kuba aitsirwe ngu ahabw’okuba atwire aine obuteikirizana ah’eitaka n’ab’orubaju orw’ishe.

Ibrahim Juma Mugenyi, Meeya wa tauni kanso ya Kikuube ajumiriire ekikorwa eki eky’obwinazi nikwo kuhabura abantu obutoosha kuguma nibakoresa ab’obushoborozi baheza kugira obuteikirizana babaase kubahwera kugonjoora enshonga zaabo.

#WestUpdates