Pooriisi yaashohoza ba kamanda 41 ahari Bwebajja...Courtesy photo

Pooriisi yaashohoza ba kamanda ahari Bwebajja

N’ebya Omushaki Waitu

Aba pooriisi barikuhika 41 bashohozibwa eriizooba bwanyima y’okuheza okutendekwa emishomo y’obwa kamanda ah’eitendekyero erya Senior Command and Staff College, Bwebajja omu disiturikiti ya Wakiso.

Minisita w’enshonga z’omunda y’eihanga, Maj. Gen. Kahinda Otafiire niwe yaakurira omukoro ogu.

Minisita Maj. Gen Kahinda Otafiire arikuhika ahamukoro ogu...Courtesy Photo

Abakuru omu pooriisi abashohozibwa harimu abarikukurira ebyanga, abaduumizi ba pooriisi omu disiturikiti, ba kamiishana n’abandi kandi baherize omwaka barikutendekwa.

Kurugiirira ahari pooriisi, bakatandika okushoma oku ahabiro 15/8/2022.

Bamwe ahari ba kamanda abashohora...Courtesy Photo

Abaashohora harimu abakazi 3 kandi abandi 38 n’abashaija kuruga omu Uganda Police Force na Uganda Prisons Service.

Omugambirizi wa pooriisi, Fred Enanga yaatabarusya abaashohora ahabw’okuhendera emishomo yaabo.

Omugambirizi wa pooriisi, Fred Enanga ahamukoro ogu..Courtesy Photo

Pooriisi etongoizeho amatendekyero g’okushomesa eby’obu pooriisi aharimu eitendekyero erya Bwebajja, Kabalye, Ikafe, Olilim na Kibuli.

#WestUpdates