Enanga nakyoreka ngu banyakuteekateekwaho, abashangirwe n’embundu ehandikire omu namba ya South Sudan ni banywani b’omukozi wa Mobile Money. N'ebya Mpalanyi Ssentongo.

N’ebya Omushaki weitu

WAKISO

Abashaija babiri bakwatsirwe ahabw’okugambwa kuba baibire shiringi miriyooni 3 kuruga aha mukozi wa Mobile Money omuri Bwebajja omu disiturikiti ya Wakiso.

Banyakukwatwa bamanyirwe nka: Kiseka Bahati na Edwin Bagaya. Aba bakwatsirwe bwanyima ya Pooriisi kutunga esimu kuruga owa Maria Mbadilemu ou baibireho esimu.
 
Fred Enanga, Omugambirizi wa Pooriisi asiimire Mbadilemu ahabw’okurahuka kumanyisa Pooriisi ya Bwebajja omu bwire, ekireteire ab’eby’okwerinda kurahuka kutaaha omu nshonga egi.

Ekikorwa ky’obushuma eki kibaireho shaaha 5 z’akasheeshe ka Sande ebiro 10.06.2024.

Enanga nakyoreka ngu banyakuteekateekwaho, abashangirwe n’embundu ehandikire omu namba ya South Sudan ni banywani b’omukozi wa Mobile Money.

Okucondooza okwahikireho nikworeka ngu babaasize kuzoora shiringi 1,500,000 hamwe n’esimu ebirikwija kuhweraho Pooriisi omu kucondooza kwayo.

Enanga yaagamba ebi eriizooba ebiro 10.06.2024 omu kugambaho n’abanyamakuru aha kitebe kikuru kya Pooriisi omuri Naguru, Kampala.

#WestUpdates
#RadioWestAt25