Purezidenti Museveni araganiise okugumizamu nashagika Somalia kugiraho obusingye...(PPU Photo)

N'ebya Omushaki Waitu

Purezidenti Yoweri Museveni hamwe na Purezidenti Hassan Sheikh Mohamud owa Somalia baganiire ahankwatanisa y’ahanga gombi.

Purezidenti Museveni araganiise okugumizamu nashagika Somalia okugira obusingye n’obugwagye.

Purezidenti Museveni arikwakira Purezidenti Hassan Sheikh Mohamud..(Photo by PPU)

Abeebembezi bombi bagizireho orukiiko oru aharwamukaaga, 19/10/2024 aha State Lodge, Nakasero omuri Kampala.

Kurugiirira ahakihandiiko ekishomirwe Minisita w’enshonga z’aheeru y’eihanga, Gen. Jeje Odongo, abeebembezi bombi bagambire ahanshonga y’eby’okwerinda omuri Somalia.

Abeebembezi bombi bagambire ahankwatanisa y'amahanga gombi..(PPU Photo)

Hoona basiimire n’omurimo ogukozirwe ekigombe ekya African Union Transition Mission in Somalia n’amahe ga Somalia omu kurwanisa abahekyera ba Al-Shabab.

Habaireho n'okuta omukono ahandagaano y'okukwatanisa omunshonga z'amahe...(PPU Photo)

Omu rukiiko nirwo rumwe ahi amahanga gombi gateire omukono ahandagaano y’okukwatanisa omunshonga z’amahe.

Habaireho n'okuta omukono ahandagaano y'okukwatanisa omunshonga z'amahe...(PPU Photo)

Gen. Jeje Odongo ahandikire ahabwa Uganda kandi Minisita w’enshonga z’aheeru ya Somalia, Mr. Ahmed Moallim Fiqi Ahmed ahandikire ahabwa Somalia.

#WestUpdates