Purezidenti Museveni ataabaarukize abaserukare abasya ahabw’okuhendera gye omushomo gwabo.

N’ebya Omushaki weitu

KAWEWETA

Purezidenti Yoweri Kaguta Museveni nabwo ari omuduumizi mukuru w’amahe ga UPDF ashohoize abaserukare (cadrets) 774 abahendiire omushomo ogubatwureho kumara omwaka gumwe ah’eitendekyero ry’ab’amahe erya Basic Military Training School- Kaweweta. 

Abashohoziibwe naaba intake ya 18 ahabw’omwaka 2023/24 kandi ahari aba, 28 barugire omu eihanga erya Tanzania na Mali.

Aha mukoro ogu, Purezidenti Museveni ataabaarukize abaserukare abasya ahabw’okuhendera gye omushomo gwabo.

Purezidenti Museveni ataabaarukize abaserukare abasya ahabw’okuhendera gye omushomo gwabo.

Purezidenti nashoborora ngu abaserukare abashohoziibwe batwire aha mushomo gugumire kandi batendekirwe kuba eky’okureeberaho aha bikwatiriine okurwana.

Gen. Museveni nabwo abarabwire okurekyeraho kutwara amahe nk’omurimo beitu babutware nk’obujunanaizibwa bw’okurinda eihanga.

Purezidenti Museveni nabwo araganiise kugumizamu n’okutunguura emiturire y’abaserukare omuri okubaheereza amaju, okushomeseza busha abaana baabo, okubaragurira n’ebindi.

Purezidenti Museveni arikugambaho na Gen. Katumba Wamala, Hon. Mateke Sarah na mukuru w'amahe ga UPDF Gen. Muhoozi Kainerugaba aha mukoro gw'okushohoza abaserukare abatwire aha kutendekwa ahari Basic Military Training School- Kaweweta.

Mukuru w’amahe g’eihanga, Gen. Muhoozi Kainerugaba agizire ngu abaserukare abashohoziibwe batendekiirwe gye kandi nibo beebembezi ba nyensya omu mahe.

Gen. Muhoozi arabwire abaserukare aba okurinda gye amaziina gaabo obwo barikwetantara ebikorwa by’obushomankuzi n’ebindi.

Gen. Muhoozi Kainerugaba arikugambaho n'abaserukare abahendiire omushomo gw'omwaka gumwe ogubatwireho ahari Basic Military Training School- Kaweweta. PPU Photos

Omuduumizi mukuru w’eitendekyero erya Basic Military Training School- Kaweweta, Brig. Gen. Bonny Geoffrey Wolimbwa naagura ngu abaserukare aba batendekirwe gye kandi baheebwa obukugu busya oburikwija kubahwera kuba abeebembezi b’amahe barungi ba nyensya.

Omukoro ogu nabwo gwetabirwemu ba minisita, abajwekyerwa kuruga omu eihanga rya Mali na Tanzania n’abandi.

#WestUpdates
#RadioWestAt25