Purezidenti asiimire amamanzi agaarwanire okwetegyeka kw'amahanga ga Africa...(Photo by PPU)

Purezidenti Museveni asiimire amamanzi ga Africa ahabw’enkwatanisa

N’ebya Omushaki Waitu

Purezidenti Yoweri Kaguta Museveni agizireho ekigaaniiro na ekikoosi kuruga omukigombe eky’amahanga ga East Africa (EAC) ababaire beebembeirwe omuhandiiki mukuru, Dr. Peter Mathuki, omumaka g’obwa Purezidenti omuri Entebbe.

Purezidenti abugaineho ekikoosi kuruga omu EAC..Photo by PPU

Omu rukiiko oru orubaireho aharwakabiri nyomwabazyo, Purezidenti Museveni asiimire amamanzi agaarwaniire okwetegyeka n'obumwe bw'amahanga ga  Africa aharimu owaabaireho purezidenti wa Tanzania, Omugyenzi Mwalimu Julius Nyerere,  owabaireho purezidenti wa Ghana, Omugyenzi Kwame Nkrumah ahabw’okutandikaho n’okutunguura ekigombe ky’amahanga ga East Africa.

Ekikoosi eki kibaire kyebembeirwe Dr. Peter Mathuki, Omuhandiiki mukuru wa EAC...Photo by PPU

Ogu naagira ngu okwehayo kwabo nikwo kwareetsireho enkwatanisa y’amahanga aga.

Dr. Mathuki asiimire Purezidenti Museveni ahabw’omurimo ogu akozire kuhangusya n’okutunguura ekigombe ekya EAC n’okukwatanisa amahanga aga.

Ekigaaniro eki kihikirwemu Minisita Kadaga na Minisita Jacob Oboth Oboth...Photo by PPU

Orukiiko oru ruhikirwemu omuhwezi w’okubanza ow’enganzi y’eihanga kandi Minisita w’enshonga z’amahanga ga East Africa, Rebecca Kadaga, Minisita w’eihanga ow’enshonga z’amahe, Jacob Oboth Oboth n’abandi.

Ekigombe ekya East African Community kirimu amahanga 7 agarimu; Uganda, Kenya, Tanzania, Burundi, South Sudan, Rwanda na DRC kandi ekitebe kikuru kiri Arusha, Tanzania.

#WestUpdates