Purezidenti Museveni nasiima okushabira eihanga agumize ngu nikugaita abanya Uganda...(Photo by PPU)

Purezidenti Museveni nasiima okushabira eihanga agumize ngu nikugaita abanya Uganda

N’ebya Omushaki Waitu

Purezidenti Yoweri Museveni naagira ngu okugiraho kyansya y’okushabira eihanga nikureeta hamwe abanya Uganda oihireho enyikiriza zaabo.

Ebi Purezidenti Museveni abigambire nyomwabazyo ahakushabira eihanga okw’omurundi gwa 25 okubaire omumakagye g’obwa Purezidenti omuri Entebbe ahansi y’omutwe, “Mutaritina, mwetaise kandi mukorere Mukama”.

Omukoro gw'okushabira eihanga ahari State House, Entebbe...(Photo by PPU)

Okushaba oku okurikubaho buri biro 8/10/2023 nikukorwa n’ekigyendererwa ky’okushabira eihanga, eby’entaasya, amaka hamwe n’okusiima Ruhanga ahabw’oburinzi bwe ahabanya Uganda.

Omukoro gw'okushabira eihanga ahari State House, Entebbe...(Photo by PPU)

Eri hoona niryo eizooba obu bahinguza engyenderwaho y’eihanga omugwa 1995.

Purezidenti Museveni asiimire paramenti ahabw’okuguma nibatebeekanisaho okushaba oku agumize ngu eki bakakikopa omu eihanga erya America obu yabaire agiire omu eihanga eri omurundi gwe gw’okubanza na Maama Janet Museveni.

Maama Janet Museveni oshabire eihanga...(Photo by PPU)

Ogu naagira ngu okushaba oku kukaba kureeta hamwe abeebembezi batari bamwe omuri America kushabira eihanga ryabo.

Hoona Museveni agarukire yasiima abeebembezi b’amadiini omu eihanga ahabw’okutandikaho ekigombe ky’okubagaitira hamwe ekya Inter Religious Council of Uganda (IRCU).

Omukoro gw'okushabira eihanga ahari State House, Entebbe...(Photo by PPU)

Maama Janet Museveni hoona ori Minisita w’eby’obwegyese n’emizaano oshabire eihanga, asiimire Ruhanga ahabw’emigisha ei ahaire Uganda.

Omukoro gw'okushabira eihanga ahari State House, Entebbe...(Photo by PPU)

Hoona agarukire yasiima Purezidenti hamwe na paramenti ahabw’okuhinguza ekiragiro ky’okurwanisa ebitingwa omu eihanga.

#WestUpdates