Purezidenti Museveni yagaruka omu Uganda kuruga Arusha...(PPU Photo)

N’ebya Omushaki Waitu

Purezidenti Yoweri Kaguta Museveni yagaruka omu Uganda arikuruga omu rukiiko rw’ekigombe ekya East African Community omuri Arusha, Tanzania.

Omu rukiiko oru orw’omurundi gwa 24, Purezidenti wa Tanzania, Samia Suluhu Hassan asiimire Purezidenti Museveni ahabw’omurimo ogu akozire omukukwatanisa amahanga aga.

President Museveni (3rd R) And Other Eac Presidents Attending The 25th Eac Summit In Arusha, Tanzania On Saturday 30th. Ppu Photo

Purezidenti Suluhu ayorekire omugasho gwa Purezidenti Museveni omu kuhikiriza ekirooto ky’abatandikireho EAC, obwebembezi bwe n’okushagika entunguuka y’amahanga ga East Africa.

South Sudan President Salva Kiir Hands Over The Chairmanship Of The Eac To President William Ruto Of Kenya As President Museveni Looks On. Ppu Photo

Orukiiko oru orw’ebiro 2 rubaire ruri ahansi y’omutwe, “Okutunguura eby’obushuubuzi, entunguuka, obusingye n’eby’okwerinda ahabw’entunguuka y’emituurire y’abantu”, ruhikirwemu abeebembezi kuruga omu amahanga 8 agari omukigombe ekya East African Community.

Amb Fred Mwesigye (3rd L) And His Team Wave To President Museveni As He Departs Kilimanjaro International Airport In Tanzania For Entebbe After Attending The Eac Summit In Arusha. Ppu Photo

Aha rubaju orwe, Purezidenti wa Kenya, William Ruto ohairwe obwa Ceyamaani w’ekigombe eki arikuza omubigyere bya Purezidenti wa South Sudan, Silva Kiir, asiimire Purezidenti Museveni ahabw’okwehayo okukwatanisa amahanga aga.

#WestUpdates