Purezidenti Museveni nabwo ahamiize eminyeto ngu gavumenti eyehiireyo kurwanisa obushomankuzi. PPU Photos.

N’ebya Beth Akatukunda

ENTEBBE

Purezidenti Yoweri Museveni nashaba eminyeto okwejumbira omu kureetaho obutungi babaase kurwanisa eibura ry'emirimo n'obworo omu eihanga.

Purezidenti Museveni agambire ebi aharwamukaaga ebiro 05.10.2024 obu abaire nabuganaho guruupu y’abeebembezi b’eminyeto aha maka g’obwa Purezidenti, Entebbe.

Purezidenti Yoweri Museveni abugaineho guruupu y'abeebembezi b'eminyeto aha State House, Entebbe Orwamukaaga ebiro 05.10.2024.

Purezidenti Museveni nahabura eminyeto tibashemeriire kuhugira omu ky’okugira ngu gavumenti nebaheereza emirimo arikugira ngu ekyo tikihikire ahabw’okuba emirimo y’omu gavumenti ni mikye munonga.

Purezidenti Museveni nabwo nashaba eminyeto okutaanisa entunguuka n’okureetaho obutungi.

Purezidenti Yoweri Museveni abugaineho guruupu y'abeebembezi b'eminyeto aha State House, Entebbe Orwamukaaga ebiro 05.10.2024.

Musevenu ayongiire yamanyisa eminyeto ngu Uganda eriyo negyenda omu maisho n’obu hakiriho ebizibu bikye nk’obushomankuzi.

Nashoborora ngu eihanga eihanga ririyo niritamburira aha muramwa murungi ahabw’ebigyendererwa birungi bya gavumenti ya NRM.

Purezidenti Museveni nabwo ahamiize eminyeto ngu gavumenti eyehiireyo kurwanisa obushomankuzi.

Aharubaju orundi, Purezidenti ahigire eminyeto okwejumbira omu puroguraamu za gavumenti nk’eya Parish Development Model n’ezindi ezigyendereire kwiha abantu omu bworo.

Purezidenti Yoweri Museveni abugaineho guruupu y'abeebembezi b'eminyeto aha State House, Entebbe Orwamukaaga ebiro 05.10.2024.

Minisita w’eihanga ow’enshonga z’eminyeto n’abaana, Dr. Balaam Barugahara asiimire Purezidenti ahabw’okumwesiga na Col. Edith Nakalema okukunga n’okureetaho obumwe omu minyeto.

Barugahara ashabire eminyeto okugaruka ekateerera Purezidenti Museveni omu karuuru ka boona aka 2026 ahabwa nyensya nungi.

Barugahara ashabire eminyeto okugaruka ekateerera Purezidenti Museveni omu karuuru ka boona aka 2026 ahabwa nyensya nungi.

#WestUpdates