“Tukwatsire Majembere aha mishango 3 etarikushushana erimu ogw’obushuma bw’amatungo n’okureenga emigorora. N'ebya Charles Etukuri.

N’ebya Omushaki weitu

RUKIGA

Omuhwezi wa RDC ahabwa Rukiga, Ivan Majembere Kamuntu nateekateekwa kureebukaho omu kooti eriizooba ebiro 21.11.2024 bwanyima y’okukwatwa nyomwebazyo ebiro 20.11.2024 ahabw’okugambwa kuba yarengire emigororo n’okwiba amatungo.

Omugambirizi w’ekitongore ekya State House Anti-Corruption Unit, Natasha Mariam ahamize okukwatwa kwa Majembere bwanyima y’okucondooza okukozirwe ekitongore kya Pooriisi ekirikucondooza emishango na ofiisi ya mukuru w’abahababi ba gavumenti.

“Tukwatsire Majembere aha mishango 3 etarikushushana erimu ogw’obushuma bw’amatungo n’okureenga emigorora. Naija kutwarwa omu kooti eriizooba Orwakana,” Natasha arikushoborora.

Majembere naija kwegaita ahamuntu ondaijo orikuteekateekwaho omanyirwe nka Amos Mwesigye, orikugambwa kuba ari omushuma w’amataka runkunku orikukorera omu disiturikiti eya Gomba. Mwesigye ateirweho omushango ahabiro 15.11.2024 omu kooti ya Masaka.

Mwesigwe akwatsirwe ekitongore ekirikurwanisa obushomankuzi omu State House kikwataniise na ofiisi ya CID n’eya mukuru w’abahababi ba gavumenti kandi ateirweho omushango gw’okwiha Sh300m ahari Steven Kagyenyi omungyeri etarikwetegyerezibwa.

Nikigambwa ngu omu mwaka gwa 2020, banyakujunaanwa hamwe na bamwe omuri ba memba ba famire y’omugyenzi Nasanairi Kinalwa kukoragana bakagura eitaka rya hiika 120 eryabaire ryine ekyapa omungyeri y’ekishobobo kandi obwo babaire batari bakama b’eitaka eririkugambwaho.

Akaija yaguzaho abantu abandi kimwe aha kicweka ky’eitaka kubaasa kumara amaani mukama w’eitaka Frank Rushanganwa.

Ekihandiiko nikyoreka ngu nyakuteekateekwaho nabwo nagambwa kuba atwire nakoresa bamwe omu bakuru omu gavumenti kubuzabuza eitaka eryo.

#WestUpdates