Purezidenti Museveni, Siipika Among na Hon. Moses Magogo aha mukoro gw’okwiguraho eirwariro n’eitendekyero ry’eby’obushaho ebyatandikirweho Siipika Among. PHOTOs by PPU.

N’ebya Beth Akatukunda

BUKEDEA

Purezidenti Yoweri Museveni asiimire Siipika wa Paramenti, Anita Among ahabw’okukoresa amagyezi ge n’enteekateeka nungi akatandikaho ebintu kugonjoora ebizibu by’abantu.

Purezidenti Museveni akwise engabo n'eicumu ebimuhairwe Siipika Among omu eiziina ry'abantu ba Bukedea aha mukoro gw'okwiguraho eirwariro n'eitendekyero ry'eby'obushaho omuri Bukedea.

Agambire ebi nyomwebazyo ebiro 23/03/2024 omu disiturikiti eya Bukedea obu abaire ari omugyenyi mukuru aha mukoro gw’okwiguraho eirwariro n’eitendekyero ry’eby’obushaho ebyatandikirweho Siipika Among kandi Omuny’ishengyero-kazi wa disiturikiti egi eya Bukedea.

Purezidenti Museveni arikwiguraho eirwariro n'ietendekyero ebyombekirwe Siipika wa Paramenti Anita Among kandi Omuny'ishengyero-kazi wa Bukedea aharwamukaaga ebiro 23/03/2024.

Purezidenti Museveni agambire ahari Siipika Among nk’omuntu oine enteekateeka nungi kandi okoriise esente ze kuhindura aha miturire y’abantu ba Bukedea n’okuheereza abantu baingi emirimo.

Purezidenti Museveni arikubyara omuti aha mbuga z'eirwariro eryatandikirweho Siipika wa Paramenti, Anita Among omu disiturikiti eya Bukedea aha mukoro gw'okwiguraho eirwariro eri aharwamukaaga ebiro 23/03/2024.

Beitu hoona, Purezidenti ashabire abany’ishengyero okurekyeraho omuze gw’okushoroza esente omu bantu (Fundraisings) kukora purogyekiti zitari zimwe z’entunguuka omu byanga ebibarikujwekyera arikugira ngu eki kikanyise obushomankuzi kandi nikita n’abeebembezi b’eby’obutegyeki aha bunkenke.

Purezidenti Yoweri Museveni arikubuganaho abantu b'omu disiturikiti eya Bukedea aha kishaayi ky'eishomero erya Emokor Primary School aharwamukaaga ebiro 23/03/2024.

Omu bigambo bye, Siipika Anita Among araganiise kuguma nashagika Purezidenti Museveni kandi ngu tarikwija kumuhemukaho.

#WestUpdates