Twine eshagama omu mabikiri geitu- Minisita Aceng.

N’ebya Mary Karugaba na Henry Sekanjako

Minisita w’eby’amagara, Dr. Jane Ruth Aceng ahakaniise amakuru agarikugira ngu eihanga tiryine shagama arikugira ngu hariho units z’eshagama 6,284 omu mabikiro g’eshagama gatari gamwe omu Ihanga.

Naagira ngu ebirikuruga omu mabikiro g’eshagama gatari gamwe nibyoreka ngu eibikiro ry’eshagama erya Nakasero ryine unitz 2,400 z’eshagama, Masaka 235 units, Mbarara 390 units, Hoima 200 units, Mbale 400 units, Gulu 250 units, Mengo 100, Lira 300, Soroti 300, Arua 200, Nebbi 50, Kabale 270, Rukungiri 172, Fort Portal 317 kanid Kitovu 350 unit.

Nabwo, Dr. Aceng akyorekire ngu hariho emyanya erikubaasa kurahuka kuburwa eshagama beitu nitwija kutunga endiijo kuruga omu eibikiro ry’eshagama erya Nakasero.

Naagira ngu eihanga niryetenga units z’eshagama 400,000 buri mwaka kandi units z’eshagama ezirikukirayo obwingi ezi Uganda erarundaine ni 300,000 zonka.

Beitu, abany’ishengyero nibajunaana minisiture y’eby’amagara ahabw’obutafayo n’okuregeza omu kurundana eshagama. 

Nibagira ngu ku barikugyezaho kukunga abantu kuhayo eshagama, minisiture eyija n’ebikwato bikye eby’okurundaniramu eshagama.

Omuny’ishengyero owa Bukanga North omuri Isingiro, Nathan Byanyima naagira ngu abantu behireyo kuhayo eshagama beitu minisiture nebatamba eikono omu kubashagika kurundana eshagama.

Siipika wa Paramenti, Anita Among, ahaireyo enshonga egi bwanyima y’okutunga amakuru ngu hariho eibura ry’eshagama omu Ihanga nikwo kushaba minisita kutaho entebeekanisa y’okurundanamu eshagama.

#WestUpdates