Tihariho kusisiira sente omu bintu ebitakuyamba Gavumenti - Minisita Musasizi...(Photo by Ssengendo Abdulkarim)

N’ebya Ssengendo Abdulkarim

Mbarara:

Minisita w’eihanga ow’eby’esente Henry Musasizi narabura abeebembezi ba Gavumenti z’ebyanga ngu Gavumenti terikwija kusisiira sente omu bintu ebitarikugitaahiza.

Musasizi naagira ngu Gavumenti hati neza kuta amaani omu kukora ebintu ebirikugasira eihanga nk’eby’oburambuzi, eby’amakorero, ebya tekinorogiya n’ebindi.

Tihariho kusisiira sente omu bintu ebitakuyamba Gavumenti - Minisita Musasizi...(Photo by Ssengendo Abdulkarim)

Minisita Musasizi ebi abigambire nyomwabazyo obu abaire ajwekyeire enganzi y’eihanga Robinah Nabbanja aha mukoro gw’okwiguraho ekyombeko kya PPDA.

Tihariho kusisiira sente omu bintu ebitakuyamba Gavumenti - Minisita Musasizi...(Photo by Ssengendo Abdulkarim)

Ekyombeko eki ekimazireho shiringi biriyooni 3.45 kyombekirwe aha kashozi Kamukuzi omu rurembo rwa Mbarara kandi nikiza kuhitsya abantu obuheereza omu disiturikiti 40.

Tihariho kusisiira sente omu bintu ebitakuyamba Gavumenti - Minisita Musasizi...(Photo by Ssengendo Abdulkarim)

Musasizi agiizire ngu omumbariirira ya 2024/25, Gavumenti amaani amaingi neza kugata omu bintu ebirikubaasa kutwara eihanga omu maisho kutari kuza sente omu by’okuginyunyuuta.

Tihariho kusisiira sente omu bintu ebitakuyamba Gavumenti - Minisita Musasizi...(Photo by Ssengendo Abdulkarim)

Minisita Musasizi agambire ebi bwanyima ya Meeya w’orurembo rwa Mbarara, Robert Mugabe Kakyebezi na Ceeyamaani wa disiturikiti ya Mbarara kushaba Gavumenti kuhayo sente z’okubangira za disiturikiti kwombeka obutuura bakaruga omururembo.

Tihariho kusisiira sente omu bintu ebitakuyamba Gavumenti - Minisita Musasizi...(Photo by Ssengendo Abdulkarim)

Omu bigambo bye, Benson Turamye ori Executive Director wa PPDA asiimire abeebembezi ba disiturikiti ya Mbarara ahabw’okubaha itaka ahu bombekire ekyombeko eki hamwe n’okubaha obudamo 8 years

Agiizire ngu ekyombeko ekigwirwe nikiza kuba kirimu za ofiisi, ah’okureeberera abaana, ah’okukorera ebisasayizi n’ebindi byingi kandi nikiza kuyamba kuhisya obuheereza haihi abantu.

#WestUpdates