Nandala Mafabi, Omuhandiiki mukuru w'ekigombe ekya FDC.

N’ebya Jimmy Muwanika

NAJJANANKUMBI

Omuhandiiki mukuru w’ekigombe ekya FDC, Nathan Nandala Mafabi, yaagira ngu tarikwija kurekura omurimo gwe bwanyima ya bamwe omuri ba memba b’ekigombe ekya FDC kushaba ngu arekure.

Eriizoob aharwakana, omugambirizi w’ekigombe ekya FDC, Ibrahim Ssemujju Nganda yayebembera guruupu etashemereirwe n’obwebembezi bwa FDC kushaba Mafabi ngu arekure omurimo gw’omuhandiiki mukuru wa FDC.

Ssemujju, n’omuhwezi wa Purezidenti wa FDC ahabw’ekyanga ekya Buganda, Erias Lukwago n’abandi baashohoza ekihandiiko omu rukiiko oru bagiraho n’abanyamakuru aha Fairway Hotel omuri Kampala.

Ekihandiiko eki Ssemujju yashoma, nikigira ngu oburuuru bw’okutoorana abeebembezi b’ekigombe ekya FDC oburiyo nibugyenda omu maisho, zete Party Structures, ti buruuru.

Aba baagira ngu oburuuru oburiyo nibuteerwa bo tibarikubumanya.

Ssemujju na guruupu ye nibajunaana Mafabi na Purezidenti w’ekigombe ekya FDC, Patrick Amurita Oboi ahabw’okutoorana abantu kukora nk’abarikukurira okuteeza akaruuru ekintu ekitahikire.

Obutaikirizana omu kigombe kya FDC burugiriire aha sente ezi Purezidenti w’ekigombe Amuriat na Mafabi barikugambwa kuba batungire kuruga omu kigombe ekiri omu bwebembezi ekya NRM omu karuuru ka boona aka 2021.

Aha nshonga y’oburuuru omu kigombe ekya FDC, ekagaaniirwaho omu rukiiko rw’abajwekyerwa ba FDC aharurengo rw’eihanga aha kitebe kikuru ky’ekigombe eki omuri Najjanankumbi beitu tihaine ncwamu yoona eyaakozirwe.

Arikugambwa aha kihandiiko eky’omuny’ishengyero wa Kira Munisiparite n’abataahi be, Nandala Mafabi yaagira ngu tayeteekateekire kurekura omurimo gwe omu kigombe eki.

“Okunshaba ngu ndekure omurimo gwangye ogw’omuhandiiki mukuru wa FDC n’omushango,” Mafabi arikushoboorora.

#WestUpdates