Uganda efereirwe biriyooni 2 omu kwiibwa kw’emibazi omumeezi 8...(Photo by Eli Akiza)

Uganda efereirwe biriyooni 2 omu kwiibwa kw’emibazi omumeezi 8 

N’ebya Eli Akiza

Mbarara:

Uganda efereirwe sente zirikurenga omu biriyooni 2 omu kwiibwa kw’emibazi omu marwariro omumeezi 8 agahingwire.

Okucondooza oku kuheibweyo ab’ekitongore ky’emibazi ekya National Drug Authority (NDA) omu rukiiko rw’abanyamakuru aha ofiisi zaabo omuri Booma, Mbarara City. 

Okurugiirira aha NDA, Uganda eferiirwe sente zirikurenga biriyooni 2 omu kwiibwa kw’emibazi omumeezi 8 agahingwire.

Uganda efereirwe biriyooni 2 omu kwiibwa kw’emibazi omumeezi 8...(Photo by Eli Akiza)

Esabiiti 2 ezihingwire, abakuru kuruga omu kitongore eki batwiire omu kyanga eki barikukora ebikwekweto ahu amaduuka g’emibazi hamwe n’oburwariro burikuhika 79 bukingirwe kandi ebokisi z’emibazi 183 ezibarirwemu sente zirikuhika miriyoon 50 nazo zakwatwa.

Abiaz Rwamwiri ori omugambirizi mukuru w’ekitongore eki, naagira ngu omutindo murungi gw’emibazi omu eihanga n’obujunaanizibwa bwa buri muntu weena.

Ogu ashabire abanya Uganda okuza ahabuzoora maisho ahabw’oburungi bw’amagara gaabo.

Buri mwaka, Uganda neshohoza sente zirikurenga omu trillion 1.6 okugura emibazi y’okukozesa omu marwariro n’obu kiraabe kiri ngu hakiriho eibura ry’emibazi hamwe n’ebindi bikozesibwa omu marwariro.

#WestUpdates