Pooriisi ekwataniise n’abarikuta ebiragiro omunkora omu kitongore ekya NDA, borekire emibazi omu maisho g’abanyamakuru ezoirwe omu muhiigo ogu. Photo by Sunday Rogers.

N’ebya Rogers Sunday

Omuhiigo ogubaire gwebembiirwe ekitongore ky’emibazi omu eihanga erya National Drug Authority (NDA) omuri za disiturikiti eya Kyenjojo na Ntoroko guzoire emibazi ya gavumenri ebarirwemu shiringi miriyooni 300.

Omu muhiigo ogu, abantu 5 abarikuteekateekwaho barimu omu Pooriisi hamwe n’abashaho 2 ba gavumenti bakwatsirwe.

Banyakuteekateekwaho bamanyirwe nka; AIP Yusuf Katuramu (orikukora n’ekitongore kya Pooriisi ahabwa Kyenjojo Police Health Centre, Samuel Mwesige- mukuru w’eirwariro erya Bweramule omu disiturikiti eya Ntoroko hamwe na Mary Mbabazi, omu shaaho ah’eirwariro niryo rimwe.

Abandi barimu; Alex Mbusa, omukozi ah’irwariro erya Bweramule, Denis Blessing, mukama wa Denis Pharmacy omu disiturikiti eya Kyenjojo hamwe n’abandi abarimu Isaiah Isingoma na Tom Bwambale.

Aharw’okubanza omu eihangwe, Pooriisi ekwataniise n’abarikuta ebiragiro omunkora omu kitongore ekya NDA, borekire emibazi omu maisho g’abanyamakuru ezoirwe omu muhiigo ogu.

Emibazi egi erimu emikyebe erikurenga omuri 10 eya ARVs, emikyebe 80 y’okukyebera omushwija gw’ensiri, eboxi 100 z’ebikwato by’okukyebera, ebidomora 12 by’okukoresa omu Laboratory, Paracetamol n’endiijo.

Abiaz Rwamwiri, Omugambirizi w’ekitongore ekya NDA naagira ngu obushuma bw’emibazi ya gavumenti bucumbagiize obuheereza omu marwariro omu Ihanga.

Okurugiirira aha kucondooza okukoziirwe, emwe omu mibazi ya gavumenti eyayibirwe ekatwarwa omu eihanga erya Democratic Republic of Congo (DRC) omu muringo gw’ekishobobo.

Okurugiirira ahari NDA, Denis- ondiijo nyakuteekateekwaho akwateirwe omu disiturikiti eya Kyenjojo ahabw’okugira akakwate n’okuba blocker w’okwiba emibazi ya gavumenti omu kyanga ekya Toro.

#WestUpdates