Purezidenti Yoweri Museveni naija kusiimwa n’okuheebwa engure ahabw’okuba eky’okureeberaho aha mahanga agandi omuri Africa omu kurwanisa endwara ya COVID-19.

N’ebya Beth Akatukunda

Purezidenti Yoweri Museveni asiimirwe aha rurengo rw’ensi yoona ahabw’amaani agu yateiremu omu kurwanisa endwara ya COVID-19.

Purezidenti Museveni naija kuheebwa engure narishi ekirabo (Award) omu ruteerane rw’okukwata ahaby’endwara ya COVID-19 aha rurengo rw’ensi yoona orurikuza kuba omuri Toronto, Canada kuruga ebiro 11.07.2024 kuhisya ebiro 13.07.2024. Abbey Walusimbi, omuhabuzi mukuru wa Purezidenti ahanshonga z’aheeru y’eihanga niwe ahamize amakuru aga.

Purezidenti Yoweri Museveni naija kusiimwa n’okuheebwa engure ahabw’okuba eky’okureeberaho aha mahanga agandi omuri Africa omu kurwanisa endwara ya COVID-19.

Uganda ekataho emiringo y’okurwanisa endwara ya COVID-19 erimu okukinga eihanga ekigambirweho nk’ekyahweriireho kihango omu kutangira okujanjaara kw’endwara egi.

N’obu abantu barikurenga miriyooni 6 n’emitwaro 80 (6,800,000) baitsirwe endwara ya COVID-19 omunsi yoona, Omu Uganda, abantu abaitsirwe endwara egi bakaba bakye munonga.

Rupoota ya CNN eherize kushohozibwa neyoreka ngu Uganda ekakwata omwanya gwa 10 omunsi yoona omu kurwanisa COVID-19 kandi ey’okubanza omuri Africa okurugiirira aha kucondooza okukozirwe ab’ekitongore ekya Lancet.

#WestUpdates
#RadioWestAt25