Tiimu ya UNRA yarambura omugyera gwa Kafu ogubogire...(Photo by Wilson Asiimwe)

UNRA yarambura enguuto esiisirwe emyegyemure ahamugyera gwa Kafu

N’ebya Wilson Asiimwe

Kyankwanzi:

Mukuru w’ekitongore ekya UNRA, Allen Kagina eihangwe eri yayebembera tiimu yaba ingyiniya abaaba nibashwijuma embeera y’enguuto eya Hoima-Kampala esiisirwe emyegyemure ahari Kikonda omu disiturikiti ya Kyankwanzi.

Kagina na tiimu ye barambura enguuto esiisirwe emyegyemure bwanyima y’omugyera gwa Kafu kuboga.

Enguuto ya Hoima-Kampala esiisirwe emyegyemure...(Photo by Wilson Asiimwe)

Ogu yashaba ab’ebyiruka n’ab’ebigyere obutakoresa enguuto egi kuhitsya obu amaizi garakyendere.

Pelusi Kabale, Omuhwezi wa RDC wa Kyankwanzi yashaba abantu kukuratira ebiragiro by’ab’eby’okwerinda n’okukoresa emihando endiijo kuza Hoima.

Enguuto ya Hoima-Kampala esiisirwe emyegyemure...(Photo by Wilson Asiimwe)

Ahakutandika kwa wiiki egi, Omugyera gwa Kafu gubogire nikwo kushiisha enguuto ya Kampala-Hoima n’okucumbagiriza eby’entambura aharwa Masindi-Kimengo ahaby’omwijurirano gw’amaizi.

#WestUpdates