Mukuru w'ekitongore ekya UNRA, Allen Kagina n'abandi ba memba b'ekitongore eki.

N’ebya Omushaki weitu

Ekitongore ky’eby’enguuto omu eihanga ekya Uganda National Roads Authority (UNRA) kitungire akakiiko akasya aka boodi akarikuteekateekwa kwija kukora omwoga muhango omu kuteereza omutindo gw’enguuto omu eihanga.

Gen. Katumba Wamala, Minisita w’eby’enguuto n’entambura naagira ngu aheerize kwanjura omu kabineti amaziina g’aba memba 6 b’akakiiko akasya aka boodi ak’ekitongore ekya UNRA.

Minisita w'eby'enguuto n'entambura, Gen. Edward Katumba Wamala.

Dr.Chris Baryomusi, Minisita w’eihanga ow’eby’amakuru n’okuhabura eihanga, omu rukiiko rw’abanyamakuru wiiki ehwaire orubaire naagira ngu ceeyamaani wa boodi omusya owa UNRA ni Eng Dr.Augustibe Obyero kandi naza omu bigyere bya Fred Omach

ceeyamaani wa boodi omusya owa UNRA ni Eng Dr.Augustibe Obyero.

Dr. Obyero atwire ari memba mukuru kandi akahuumura kuruga omu minisiture y’eby’enguuto n’entambura.

Ba memba abandi barimu; owabaireho omuny’ishengyero wa Luweero, Eng. Lilian Nakate, na Eng. Stephen Kitonsa ( komishona w’eby’entindo omu minisiture y’eby’entambura, Market Ajok na Patrick Mwanja .

Baryomusi naagira ngu ba memba ba boodi abasya abaherize kutooranwa nibeija kureetaho entunguuka omu kitongore ky’eby’enguuto.

Allen Kagina, Mukuru w’ekitongore kya UNRA naagira ngu babaasize kwongyeraho 254.5 z’enguuto ekireteire zahika kiromita 6, 133 omu mwaka gw’eby’esente ogwa 2022/2023.

#WestUpdates