Zaake n’abandi 4 babingwa omu nshutamo za paramenti

Zaake n’abandi 4 babingwa omu nshutamo za paramenti

N’ebya Henry Sekanjako

Omuhwezi wa Sipiika w’eishengyero, Thomas Tayebwa eihangwe eri yabinga abany’eishengyero 5 ab’ekibiina ekya NUP omunshutamo z paramenti kumara ebiro 3.

Abany’eishengyero aba barimu Francis Zaake owa Mityana municipality, Betty Nambooze owa Mukono municipality, Joyce Bagala owa disturikiti ya Mityana district, Derrick Nyeko owa Makindye East na Frank Kabuye owa Kassanda South.

Tayebwa yabinga abany’eishengyero aba arikugyendera ahabiragiro by’eishengyero rya Uganda.

Bwanyima y’okubabinga, Tayebwa yayongyezayo okushutama kwa paramenti kuhisya nyencakare Orwakashatu, 17/10/2023 ahari shaaha 8 z’eihangwe.

Habanza habaho katemba omu paramenti bwanyima ya tiimu y’ebya tekinologiya kuremwa kworeka akatambi akareetwa Omwebembezi w’orubaju oruhakani omu eishengyero, Mathias Mpuuga obwo arikugarukamu gavumenti ahanshonga y’okukwatira Robert Kyagulanyi ahakishaayi ky’enyonyi ekya Entebbe ahabiro 5/10/2023.

Omu kihandiiko, gavumenti yashagika ekya Kyagulanyi kukwatwa ab’eby’okwerinda bagumize ngu abahagizi be bakaba nibenda kutambura kuza Omumaka g’obwa Purezidenti omuri Entebbe.

Beitu bwanyima y’omuhwezi wa Sipiika, Tayebwa kubinga abany’eishengyero aba, Mpuuga yaagira ngu ekikorwa eki n’eky’okutiinisiriza ab’orubaju oruhakani.

#WestUpdates