Pooriisi eyemereize entaayaayo za NUP ez’okurundaana abantu

Pooriisi eyemereize entaayaayo za NUP ez’okurundaana abantu 

N’ebya Jeff Andrew Lule 

Pooriisi eyemereize entaayaayo z’ekibiina kya NUP omu eihanga hamwe n’okurundaana abantu kuhisya obwire obutagambirwe.

Omu kihandiiko ekishohoziibwe Omugambirizi wa pooriisi Fred Enanga nyomwabazyo omu rukiiko rw’ab’eby’okwerinda orubaire Naguru, omururembo Omuhwezi wa Mukuru wa pooriisi y’eihanga, Maj. Gen. Tumusiime Katsigazi, agizire ngu NUP ehenzire ebiragiro ekireetsireho obwimukyero.

Ogu agizire ngu pooriisi ekaikiriza NUP okurundaana abantu n’okwiguraho ofiisi z’ekibiina omu eihanga.

Katsigazi naagira ngu emyanya yoona ei NUP egiiremu kurundaana abantu n’okwiguraho ofiisi zaabo, ekibiina eki kihenzire ebiragiro, baareetaho obutabanguko, okushiisha bizinesi n’ebintu by’abantu hamwe n’okureetaho omwijurirano gw’abantu n’emotoka.

Ogu ahaire eky’okureeberaho omu rurembo rwa Mbarara ahi abahagizi ba NUP bapampagwire emotoka ya Toyota Hiace namba UBD 251J hamwe n’omuntu ofiire omu rurembo orwa Hoima n’abandi 10 bakatunga obuhuta omuri butandu aharwokubanza rwa wiiki egi.

Ogu agiizire n’omu rutaayaayo rwa NUP omuri Kasana omu disiturikiti ya Luweero, Bobi Wine akakoresa ebigambo by’akarebure ahari Purezidenti n’eka ye, okuhemba omuriro omubantu n’okwebaganisamu omunganda obwo arikushaba abantu kwihaho gavumenti eri omubutegyeki.

Katsigazi naagira ngu ekiragiro eki nikiija kugumaho kuhisya obu NUP eraikirize kandi ekakuratira ebiragiro ebyateirweho baaba nibarundaana abantu.

#WestUpdates