Aba pooriisi 4 babaasa kubingwa omu buheereza...(Photo by Fred Turyakira)

N’ebya Fred Turyakira

Mbarara:

Kooti y’eidaara ry’okubanza omuri Mbarara etsindikire aha rumanda aba pooriisi 4 abareebirwe omu katambi barikukurira omukaikuru, Victoria Ariau Kabatoreine omubyondo omuri Rubiri Cell, Nyamityobora ward omuri Mbarara City South Division.

Abana aba barimu ASP Betunga Andrew, Aharizira Darius, Tusasirwe Hope na Kibonera Alice bareebekireho omumaisho g’omuramuzai, Rachael Tabaruka ahamishango y’okutuntuuza.

ACP Kituuma Rusoke, Omugambirizi wa Pooriisi ya Uganda...(Photo by Fred Turyakira)

Tabaruka abaimire ‘bail’ nikwo kubatsindika aha rumanda kuhitsya ebiro 20/12/2024 obu baragarukye omu kooti.

Kareeho, aba babandize kuza omumaisho ga kooti ya pooriisi ey’ekyanga ekya Rwizi ebaire ekuriirwe SP Joel Komaketch ahi babuziibwe kana na katano.

Aba pooriisi abarikugambwaho...(Photo by Fred Turyakira)

Arikugambaho n’abanyamakuru omuri Mbarara, ACP Kituuma Rusoke, Omugambirizi wa pooriisi ya Uganda, ahaamize ngu aba pooriisi aba basingisibwe okwetwaza kubikandi akakiiko k’eby’emicwe kahabwire ngu babingwe omu pooriisi.

Victoria Ariau Kabatoraine otuntuziibwe aba pooriisi

Ogu naagira ngu file etsindikirwe ahakitebe kikuru kya pooriisi omuri Kampala kuhayo encwamu yahamuheru, beitu aba pooriisi obu baine obugabe kuhakanisa encwamu omu biro 14.

Kurugiirira ahari Victoria Ariau Kabatoraine, aba pooriisi aba bataahiriire amakagye n’ekigyendererwa ky’okumukwata ahabw’okuteera Nsubuga Abdul, beitu ayangire kukwatwa.

Victoria Ariau Kabatoraine

Aba baheerize bamukwata kifuba hamwe n’omuhara Miriam Anena ahabw’okuteera aba pooriisi bari ahamurimo gwabo.

#WestUpdates