Abeegi 2 batsindikwa aha rumanda –Sheema

Abeegi 2 batsindikwa aha rumanda –Sheema

N’ebya Bruno Mugizi

Kooti y'eidaara ry'okubanza omu disiturikiti ya Sheema yatsindika aha rumanda abeegi 2 ahabw’okuhandiika ebaruha y’okutinisiriiza.

Kooti egi yaaba ekurirwe Omuramuzi wa kooti y'eidaara ry'okubanza ahabwa Bushenyi, Omar Ahmed Halimah.

Ogu yatsindika aha rumanda abeegi 2 ba siniya 1 ab'eishomero rya St. Charles Lwanga High School, Kashekuro erikushangwa omugomborora ya Kitagata omu disiturikiti ya Sheema ahabw’okuhandiika ekibaruha ky’okutinisiriza kuba abahekyera ba ADF barikwenda kutaahirira eishomero.

Aba tibabaasa kwehozaho ahabw’obuhango bw’omushango gwaabo kandi batsindikwa omukihome ky'abaana ekya Kabale Juvenile Remand Home kuhisya ebiro 1.8.2023 obu baragarukye omu kooti kwongyera kushomerwa omushango.

#WestUpdates