Abakumi b’Omusinga wa Rwenzururu baahika Kasese

Abakumi b’Omusinga wa Rwenzururu baahika Kasese

N’ebya Jackie Nambogga

Gaba gari amashemererwa maingi bwanyima y’abakumi 62 ab’Omusingwa wa Rwenzururu, abatwire bakomeirwe omukihome ekya Kirinya omu rurembo orwa Jinja kuhika omuri Kasese akasheeshe aka.

Aba bareekwirwe omu kiro kya nyomwabazyo.

Abakumi barikutemba baasi y'amahe baheeza kurekurwa

Okureekurwa kwabo kwizireho bwanyima ya Ofiisi ya mukuru w’abahababi ba gavumenti (ODPP) kwihaho emishango yoona ebaire nejunaanwa aha Omusinga Charles Wesley Mumbere n’abandi 217 aharwakabiri.

Aba boona babaire nibajunaanwa emishango y’obwitsi, okurya omu eihanga ryabo orukwe hamwe n’obushuma.

Aba baheeza kuhika owaabo Kasese

Bwanyima y’emyaka 7 batarikuhurira mishango yaabo, gavumenti ecwiremu kubaihiraho kimwe emishango yoona.

Aba bakakwatwa bwanyima y’ekikwekweto ky’amahe na pooriisi kutahirira ekikari ky’omusinga ahabiro 27/11/2016.

Omukutahirira oku, abantu barikurenga omuri 100, aharimu n’ab’eby’okwerinda bakaitwa.
Batwaire bakwatirwe omu bihome ebya Luzira omuri Kampala hamwe na Kirinya, Jinja.

Orukarara rw’emotoka ezaba ziine abakumi aba baahika omuri Rwenzururu aha shaaha 3 z’akasheeshe aka kandi baayakiirwa RDC wa Kasese, Joe Walusimbi.

#WestUpdates