Abantu 35 bakwateirwe omuri Nyege Nyege.

N’ebya Omushaki weitu

JINJA: Abantu 35 bakwateirwe omuri Nyege Nyege omu ruembo orwa Jinja, Okurugiirira ahari Pooriisi.

Omugambirizi wa Pooriisi, Rusoke Kituuma naagira ngu abakwatsirwe boona n’abashaija kandi ahitwaza kuhandiikira amakuru aga, baaba bakiri omu kihome bategyereize kutwarwa omu kooti aha mishango etari emwe erimu okureetaho akaimukyero omuri kivuro kya Nyege Nyege.

Arikugambira omu rukiiko rw’ebitongore by’okwerinda orwa buri wiiki aha kitebe kikuru kya Pooriisi omuri Naguru Orw’okubanza ebiro 18.11.2024, Kituuma nabwo, yakyoreka ngu ekivuro kya Nyege Nyege kihwire omu busingye kandi tihabiiremu bikorwa by’amaani by’obuhenda biragiro.

Kituuma nayongyeraho ngu ebitongore by’okwerinda ebirimu Pooriisi n’amahe n’abandi ab’eby’okwerinda abataine unifoomu bibaasize kukora ekirikubasika kureeba ngu ekivuro eki kyahwa omu busingye.

Ekivuro kya Nyege Nyege ekimazire ebiro 4 kikatandika ebiro 14.11.2024 kyahwa ebiro 17.11.2024 omu rurembo rwa Jinja.

Nyege Nyege eyetabiremu abakyakaze kuruga ebicweka byona ebya East Africa, Africa n’omu nsi yoona okutwariza hamwe kubaasa kushemererwa n’abanya-Uganda.

#WestUpdates