Omutumbi gwa Wanyengera, Dayirekita w'eishomero omuri Mukono kandi omukozi wa Compassion International gushangirwe aharubaju rw’enguuto haihi n’omuhanda gw’egaari y’omwika.

N’ebya Omushaki weitu

MUKONO

Abatuura b’omu kyaro kya Namumira omuri Mukono bagwire omu kyekango y’okushanga omutumbi gwa Godfrey Wayengera bwanyima y’okuhambwa akabuzibwaho abantu ababaire bajwire emyenda erikweshushaniiriza nka unifoomu y’amahe.

Wayengera, 45, ow’omukyaro ekya Nsube A abaire ari Dayirekita wa Beloved Daycare and Nursery School kandi arikwebembera ekanisa ya St Hannington C.O.U.

Okurugiirira ahamugambiirizi wa Pooriisi ahabwa Kampala n’emyanya egiheereire Patrick Onyango, omutumbi gwa Wanyengera omukozi wa Compassion International gushangirwe aharubaju rw’enguuto haihi n’omuhanda gw’egaari y’omwika.

Pooriisi nabwo ehamize kwetugire amakuru ngu Wayengera nagambwa kuba abuziibweho n’omukazi we, Christine Najabi obu babaire nibaruga aha kuziika omuri Mbale. 

Nikigambwa ngu abainazi abaaburizeho abantu aba bakagira bakaba nibatwara abakundaine aba aha Pooriisi ya Mukono kubuuzibwa akasyo n’akahindu beitu ku baahikire omu muhanda batwara Wayengera aharuguuto orwa Kyungu ahi arikugambwa kuba aitiirwe.

Omukihandiiko eki Onyango abandize kushohoza nikyoreka ngu abainazi basigire banaga Najabi ahari Jinja Minsidye omuri Goma Divijoni.

Nikigambwa ngu Najabi aizire kucungurwa abantu abamwe abatakamanyirwe abamutwire ah’eirwariro erya Mukono kutunga okuragurirwa.
Onyango nayongyeraho ngu Pooriisi ehikire aha mwanya nikwo kwiha siteetimenti ahababaire bariho kandi omutumbi gutwirwe omu kabafu ah’eirwariro erya Mulago kukyeberwa.

Nayongyeraho ngu emotoka ahandiikire omu namba ya UBP 520A eshangirwe ahari Jinja Misindye omuri Goma Divijoni kandi obwa hati epaakingire aha Pooriisi. 

Banyakuteekateekwaho bakiburize amaisho.

#WestUpdates