Abantu 4 bakwateirwe okufa kwa Martha ogwire kihuumura omubaara, Kololo.

N’ebya Omushaki weitu

KAMPALA

Abantu 4 bakwatsirwe Pooriisi omuri Kampala ahaby’okufa kwa Martha Ahumuza Murari orikugambwa kuba anywire obutwa omu baara emwe omuri Kololo.

Martha, 23, agwire kihuumura omubaara ya Mezo Noir kandi airukangiziibwe ah’ierwariro rya Kampala hospital kuragurirwa.

Omugambirizi wa Pooriisi ya Kampala n’emyanya egiheeriire, Patrick Onyango ahamize okukwatwa kw’abantu 4 arikwongyeraho okucondooza kuriyo nikugyenda omu maisho.

Onyango naagira ngu Martha agiire kubugana munywani we Edward Mugabo, Cashier ahabaara egyo shaaha nka 8 z’ekiro kandi banywire hamwe kuhisya shaaha 9:30 z’ekiro obu bagiire omu ofiisi ya manegya etarimu CCTV kamera.

Nakyoreka ngu Martha agwire kihuumura omu ofiisi kandi Mugabo amanyiseho mwine nyina, Joseph Kalenzi abiziire bakamutwara ah’eirwariro ahi afeeriire.

Onyango naagira ngu abantu 4 abarimu; Mugabo, Kalenzi n’abandi 2 abaremiise aba Pooriisi kutunga ebishushani ebikwatsire CCTV kamera kuhweraho Pooriisi omukucondooza kwayo. 

#WestUpdates