Abantu 47 bakwateirwe obushuma- Hoima

N’ebya Omushaki weitu

HOIMA

Abantu barikurenga omuri 47 abarikuteekateekwaho kuba enkozi z’ebihagaro bakomiirwe aha Pooriisi enkuru eya Hoima omu rurembo orwa Hoima.

Abarikuteekateekwaho bakwateirwe omu muhiigo gw’amakwatane ogukozirwe Pooriisi na UPDF gubaire gugyenderiire kurwanisa okweyongyera kw’ebihagaro omu rurembo orwa Hoima.

Aba bakwateirwe omu kyaro ekya Kiryateete East omu rurembo orwa Hoima bwanyima y’okutunga okwetomboita kuruga omu batuura na munonga abashuubuzi ahabw’obushuma n’okutaahirirwa enkozi z’ebihagaro kweyongyera omu kicweka eki.

Julius Hakiza, Omugambirizi wa Pooriisi ahabw’ekyanga ekya Albertine naagira ngu abakwatsirwe bariyo nibashwijumwa kubaasa kutwarwa omu kooti bakajunaanwa.

#WestUpdates