Julius Allan Hakiza naagamba nyakuteekateekwaho nka; Ivan Bizimana oshangirwe n’ebintu ebiteekateekirwe kuba byibirwe omuduuka omu kyaro kya Kiryatete. Photos by Stephen Kabindi.

N’ebya Stephen Kabindi

HOIMA

Pooriisi omuri Hoima ekwatsire omushaija orikuteekateekwaho kuba atwire nanyangaraaza abantu b’omu rurembo rwa Hoima arikubiiba.

Omugambirizi wa Pooriisi ahabw’ekyanga ekya Albertine, Julius Allan Hakiza naagamba nyakuteekateekwaho nka; Ivan Bizimana oshangirwe n’ebintu ebiteekateekirwe kuba byibirwe omuduuka omu kyaro kya Kiryatete.

Hakiza naagira ngu Pooriisi ezoire ebintu ebirimu kanyabwengye, amasimu, Tiivi, Piki nsya ey’ekika kya Bajaj Boxer n’ebindi.

Nayongyeraho ngu Bizimana nateekateekwa kuba atwire nayiba abantu omu kicweka eki.

Hakiza naagira ngu ebintu ebi bizoirwe omumuhigo ogukozirwe omuri Hoima na munonga omu kyaro ekya Kiryatete ahi obushuma bukanyire arikwongyeraho omuhigo ogu niguza kugumizamu kuhisya obu ebikorwa by’obuhenda biragiro birahweho.

#WestUpdates