police

N’ebya Simon Masba

HOIMA

Pooriisi omu rurembo orwa Hoima eriyo neehiga abainazi abaibire embundu kuruga aha mukumi.

Eki kibaireho ebiro 11.12.2024 aha kampuni eya Oil Energy Uganda Limited omuri Kiganda aharuguuto orwa Butiaba.

Okurugiirira ahamugambirizi wa Pooriisi ahabw’ekyanga ekya Albertine, Julius Allan Hakiza, omukumi omanyirwe nka Calvin Alunga, 25, naagambwa kuba ataahiriirwe abainazi abamuteire aha mutwe bakamusiga niguhara eitaka.

Hakiza naagira ngu omu kutaahirira oku, abainazi abatakamanyirwe baibire embundu ebaire erimu amasasi 4.

Alunga, orikukora na kampuni y’eby’okwerinda eya Samorai Protective Services, airukangiziibwe ah’eirwariro erya St Luke Medical Clinic kandi akiri omumbeera mbi.
Hakiza ayebuurize munonga ahaby’okwerinda ebiri omu mwanya ahi okutaahirira oku kukozirwe.

Naagira ngu okucondooza kuriyo nikugyenda omu maisho kubaasa kukwata abainazi abo oteireho n’okusherura embundi eibirwe.

#WestUpdates