Abaserukare 39 bahumwire amahe ahankambi eya Makenke- Mbarara. Photo: Abdulkarim Ssengendo.

N’ebya Abdulkarim Ssengendo

MBARARA

Abaserukare 39 bahumwire amahe ahankambi y’amahe ga UPDF eya Makenke omu rurembo orwa Mbarara.

Abahumwire n’abari ah’eidaara erya Private kuhika ah’eidaara rya Warrant Officer Class One.

Omukoro gw’okuhuumuza abaserukare aba gubaireho Orwakashatu ebiro 30.07.2025 kandi guhikirweho abantu baingi abarimu abaserukare n’abantu b’aburaijo.

Omuduumizi w’enkambi ya Kabiri eya 2nd Infantry Division, Maj.Gen.Paul Muhanguzi niwe abaire ari omugyenyi mukuru aha mukoro ogu.

Maj. Gen. Paul Muhanguzi, akoriise omugisha ogu kwebaza abantu b’aburaijo ahabw’okugumizamu nibahagira UPDF nikwo kushaba abahumwire okukoragana n’abantu b’aburaijo.

Aha mukoro ogu, Omuwezi wa RCC wa Mbarara City, Jackline Kankunda asiimire omurimo ogurikukorwa abaserukare omu eihanga.

Abaserukare abahumwire basiimire abeebembezi ba UPDF ahabw’okubaheereza omugisha gw’okuheereza eihanga.

#WestUpdates