Gen. Muhoozi Kainerugaba akurize abaserukare b’enkambi z’amahe ga UPDF.

N’ebya Omushaki weitu

Mukuru w’amahe g’eihanga, Gen. Muhoozi Kainerugaba akurize abaduumizi 4 b’enkambi z’amahe ab'omu kitongore ky’amahe ga UPDF.

Omu kihandiiko ekishohoziibwe nyomwebazyo Orwakashatu ebiro 11.12.2024, Brig. Gen. Felix Kulayigye- Omugambirizi w’amahe ga UPDF niwe arangiriire amakuru aga ag’okukuzibwa kw’abaduumizi b’enkambi.

Abakuziibwe barimu: Brig.Gen. Stephen Mugerwa, obwa hati naija kuba nakora nka Maj.Gen. kamanda w’enkambi y’amahe eya 1st Infantry Division na Brig. Paul Muhanguzi naija kuba nakora nka Maj.Gen. kamanda w’enkambi eya 2nd Infantry Division.

Abandi ni; Brig.Gen. Felix Busizori, akuziibwe kandi naija nakora nka Maj. Gen. kamanda w’enkambi eya 4th Infantry Division kandi Brig. Gen. Keith Katungi, nawe akuziibwe kandi hati ni Maj. Gen. kamanda w’enkambi y’amahe eya 5th Infantry Division.

Kulayigye ataabaarukize abaserukare bakuru abaherize kutooranwa bakakuzibwa kandi abendiize okukoragye emirimo yaabo. Ashoboriire ngu ahabiro 17/02/2024, Purezidenti Yoweri Museveni akaheereza mukuru w’amahe g’eihanga obushoborozi kukuza abaserukare abaine kuhamibwa omuduumizi mukuru w’amahe g’eihanga.

#WestUpdates