Okusiima emirimo y'omugyenzi Sarah Mateke kukoriirwe omu kanso y’omutaano ekoriirwe omu maka g’omugyenzi. PHOTOs by Job Namanya.

N’ebya Job Namanya

KISORO

Abeebembezi b’ekyanga ekya Kigezi basiimire minisita Sarah Mateke Nyirabashitsi, obaire ari minisita w’eihanga ow’enshonga z’amahe n’abaazirwanireho ahabw’entunguuka ei aretsire omu kyanga eki.

Abeebembezi ba Kigezi basiimire Minisita Sarah Mateke ahabw’entunguuka ei aretsire.

Miniisita Mateke, obaire ari n’omuny’ishengyero-kazi wa Kisoro afiire Orwamukaaga ebiro 07.09.2024 kandi naziikwa Orwakana ebiro 12.09.2024 omu maka gaabo aga Bugahe, Nyakabingo 1 omu gomborora eya Chahi omu disiturikiti ya Kisoro.

Okusiima emirimo ye kukoriirwe omu kanso y’omutaano ekoriirwe omu maka g’omugyenzi.

Ebi bitakabeireho, omubiri gw’omugyenzi gubandize gwayakyirwa aha kishaayi kya  Kisoro Airstrip kandi gurestirwe enyonyi ya UPDF eya namba AF-623, kandi ehikire aha kishaayi shaaha 5 z’akasheeshe.

Na bwanyima, omubiri gwe gwakiirwe kandi gutwirwe omu maka g’omugyenzi Sarah Mateke ahu kanso eshutamire.

Omukoro ogu nabwo guhikirweho n’abeebembezi kuruga omu byanga ebiheerire Kisoro kandi nabo basiimire emirimo ya Mateke.

Aha niho kansara w’abantu ba Nyakinama , Diana Nakato ashabiire abeeka ya Mateke okurondayo omuntu oraaze omu bigyere by’omugyenzi Sarah abaase kumaririza emirimo ye yoona.

Kanso ya Kisoro eshabire Ruth Nyiraneza Mateke kuza omu bigyere by’omugyenzi.

#WestUpdates