Abeegi 2 nibajunaanwa emishango y’okweyeteerera abakozi omu ofiisi ya IGG

Abeegi 2 nibajunaanwa emishango y’okweyeteerera abakozi omu ofiisi ya IGG

N’ebya Omushaki Waitu

Abeegi babiri ah’eitendekyero erya Makerere University nibajunaanwa okweyeteerera okuba abakozi omu ofiisi ya kariisho-riisho wa Gavumenti.

Kurugiirira ahakihandiiko kuruga owa Kariisho-riisho wa Gavumenti, Beti Kamya, nikyoreka ngu Justice Haduli aka Joseph Mutumba Wasswa, na Frankline Wanyama bakahikiirira Bernard Oguru, principal ahari Institute of Survey and Land Management omuri Entebbe obwo barikweyeteerera kuruga omu ofiisi ya Kariisho-riisho wa Gavumenti.

Wanyama n’omweegi ah’eitendekyero erya Makerere University.

Kariisho-riisho wa Gavumenti Kamya naagira ngu ababiri aba bakaba nibenda kwiba ahari Oguro esente obwo bagumize ngu nibenda kumuhwera omu kucondoozibwaho ofiisi ya IGG.

Haduli na Wanyama ebikorwa ebi bakabikora Okwamwenda 2023 ahagati ya Kampala na Entebbe n’ekigyendererwa ky’okufeera Oguro.

Aba nibajunaanwa emishango y’okweyeteerera eki batari kandi nibaija kutwarwa omu mbuga z’ebiragiro kugarukamu emishango egi.

#WestUpdates