Kariisho-riisho wa Gavumenti, Beti Kamya...

Kariisho-riisho wa Gavumenti aihireho encwamu ye ahari Byarugaba kushashura biriyooni 5

N’ebya Michael Odeng

Kariisho-riisho wa Gavumenti, Beti Kamya aihireho encwamu ye ahawabaireho mukuru w’ekitongore ekya NSSF, Richard Byarugaba kushashura biriyooni 5 z’eikotongore eki.

Omukwamushanju okw’omwaka ogu, Kariisho-riisho wa Gavumenti akaihaho Byarugaba emishango 15 y’obushomankuzi beitu akamuraagira kushashura sente z’ekitongore ekya NSSF, hamwe n’orikukurira eby’esente omu kitongore eki, Stephen Mwanje.

Beitu hoona Byarugaba akahakanisa encwamu egi agumize ngu akaikiriza kushohoza esente ezi bwanyima y’encwamu yaba memba b’akakiiko n’Omutonganirizi mukuru wa gavumenti.

Esente ezi zikashashurwa abakozi abarugire omu kitongore eki bwanyima y’okuhuumura n’abandi babiri abarekwire.

Eizooba erya nyomwabazyo, Kamya agiizire ngu Byarugaba na Mwanje bakaba nibahikiriza encwamu z’akakiiko k’ekitongore eki.

#WestUpdates