Beti Kamya, kariisho riisho wa gavumenti arikuganiira na RDC wa Masindi, Emmy Ngabirano. PHOTOS: Yosam Gucwaki.

N’ebya Beth Akatukunda

MASINDI

Beti Kamya, kariisho riisho wa gavumenti aragiire ab’obushoborozi omu disiturikiti eya Masindi okuhayo orukarara rwaza konturakiti zoona ezihamiibwe ezahairweyo omu myaka 2 y’eby’esente ehingwire.

Kamya nabwo aragiire ngu bamuheereze minutes za kanso ya disiturikiti hamwe n’ez’akakiiko akarikugaba emirimo omu disiturikiti ez’emyaka 2 egyo.

Beti Kamya, kariisho riisho wa gavumenti arikuganiira na RDC wa Masindi, Emmy Ngabirano. PHOTOS: Yosam Gucwaki.

Kamya ayongyeire yaragiira kuheerezayo orukarara rw’abakozi ba gavumenti barikutungiraho omushaara omuri Masindi, puraani ya disiturikiti ei erikuguriraho ebintu, orukarara rw’abakozi ba gavumenti abahairwe emirimo omu myaka 2 y’eby’esente ehingwire hamwe n’abantu nabo abatakesirwe ha murimo oteiireho n’oburango obu bateire omu mpapura z’amakuru.
 
Kamya obaire ari omuri Bunyoro kushwijuma purogyekiti za gavumenti hamwe n’obuheereza omu kyanga eki aharwakataano, agizire ngu nayenda rupoota ezo ezirikwija kumuhwera kutunga ekishushani kirungi oku disiturikiti eya Masindi erikukoramu emirimo yaayo.

Abeebembezi batari bamwe bahaireyo enshonga zaabo owa Kariisho Riisho wa gavumenti omuri okuheera emirimo omunganda, okutugira emirimo, okushorora, abeebembezi batari bamwe obutaheerezana kitinisa, okuryangatanisa esente za gavumenti, okukora emirimo y’ebishobobo n’ezindi nyingi.

Abatuura abahikire omurukiiko rwa Kariisho riisho wa gavumenti, Beti Kamya omu kishaayi kya Masindi aharwakataano ebiro 01/09/2023.Photo By Yosam Gucwaki

Ezindi enshonga harimu Diisi wa Masindi n’akakiiko kakuru aka disiturikiti okuremwa kuta omunkora encwamu za kanso, okuhindura engyenderwaho y’okukoreraho n’ebindi.

#WestUpdates