ADF eitsire abantu 10 baburaijo omuri DR Congo.

N’ebya AFP

BENI, DR CONGO

Abantu 10 baburaijo baitiirwe omu kutaahirira okuheererukire kukorwa kurikwegyekyererwa aha bahekyera ba ADF omu kyanga ekya Burugwa-Izooba bw’eihanga erya Democratic Repbulic of Congo.

Okutaahirira oku kugyemeriize ab’eby’okwerinda ab’omu kyanga ekyo kutandika kucondooza n’okushaba obuhwezi bwaho n’aho.

Abahekyera ba ADF batwire basimbire amakanda omuri Burugwa-Izooba bwa DRC omu myaka 30, nikwo kwita enkuyanja y’abantu baburaijo.

Omu wiiki ezihingwirho, aba ADF bongiiremu amaani omu kutaahirira kwabo omu byaro n’amarwariro.
 
"Abantu beitu baruhire n’okuziika abantu baburaijo burizooba, “ Okurugiirira ahari Leon Kakule Siviwe, Omwebembezi wa disiturikiti ya Beni-Mbau omuri bukizi bwa Bumosho North Kivu province”.

"Nitushaba n’obucurera ab’obushoborozi b’eihanga eryo kutuhweraho kugaruzaho obusingye n’obuteebekana omu kyanga kyeitu”.

Siviwe naagira ngu abafeeriire omukutaahirira kw’orwakataano ni 3, okw’orwamukaaga ni 4 kandi abandi bantu 10 bakiburize amaisho.

Abeebembezi b’ekicweka eki abarimu Georges Kivaya hamwe na Esdras Mathe nibagira ngu abantu 10 baitiirwe omu kutaahiirira kw’emirundi mingi okukozirwe aharwamukaaga ryonka arikwongyeraho omuhiigo gw’okuronda abafiire n’abahutiire guriyo nigugyenda omu maisho.

Kuruga aha muheru gw’omwaka gwa 2021, amahe ga Uganda na Congo gakatongozaho omuhiigo gw’amakwatane ogwa Shujja ogugyenderiire kurwanisa n’okutuntumura abahekyera ba ADF omu kyanga ekya North Kivu na Ituri beitu amahe gakiremirwe kwemereza okutaahirira kwaba ADF aha bantu baburaijo.

Abahekyera ba ADF baizire nibajumirirwa ahabw’okwita abantu baburaijo ba Congo oteireho n’okutaahirira omu Uganda.

#WestUpdates