Purezidenti Museveni atongoizeho fakitore y’amate eya Royal Milk Enterprises Factory omuri Nalukolongo. PPU Photos.

N’ebya Beth Akatukunda

KAMPALA

Purezidenti Yoweri Museveni atongoizeho fakitore y’amate eya Royal Milk Enterprises Factory omuri Nalukolongo omu disiturikiti eya Kampala.

Ahamukoro gw’okutongoza fakitore egi, Purezidenti ahamisiririize omugasho gw’okwongyera ahamate agarikuruga omubariisa ahabw’okwenda kutunguura eby’entaasya y’eihanga n’okugira eby’okurya birikumara.

Managing Director wa fakitore y'amate eya Royal Milk Factory In Nalukolongo Swaleh Kigoye arikurambuza Purezidenti Museveni fakitore ahamukoro gw'okugitongoza ogubaireho Orwakashatu ebiro 25.09.2024.

Fakitore y’amate egi eyatandiikirweho Hajji Buruhan Kigoye omu mwaka gwa 1995 ekatandika eri kampuni nkye omu disiturikiti eya Masindi omu kyanga ekya Bunyoro.

Fakitore egi obwa hati nerundaana lita 200,000 z’amate burizooba kandi neyiha amate gaayo omu myanya 25 y’okurundaaniraho amate omu Uganda.

Purezidenti Museveni atongoizeho fakitore y’amate eya Royal Milk Enterprises Factory omuri Nalukolongo.

Arikutongoza fakitore egi aharwakashatu ebiro 25.09.2024, Purezidenti Museveni asiimire abariisa b’ente omu kyanga ekya Bunyoro ahabw’okukuratira omuranga gwe ogw’okuza omukuriisa kwihamu esente.

Purezidenti Museveni atongoizeho fakitore y’amate eya Royal Milk Enterprises Factory omuri Nalukolongo.

Purezidenti Museveni agizire ngu Uganda ebiro ebi neshohoza lita 5,000,000,000 z’amate buri mwaka kandi agizire ngu amate ngu g’eihanga nigaguzibwa n’omu mahanga g’aheeru.

Ayongiire yayoreka okwehayo kwe omu kushagika fakitore z’amate kurabira omu bushagiki bwa gavumenti nikwo kushaba abashuubuzi b’omu Uganda okwongyera omutindo omu mate gaabo ahabw’okwenda kugatungira akatare.

Minisita w’eihanga ow’enshonga z’eminyeto, Dr. Balaam Barugahara ashabire eminyeto okwejumbira omuntunguuka y’eihanga.

Hon. Balam Barugahare (c) n'abandi bagyenyi ahamukoro gw'okutongozaho fakitore eya Royal Milk Factory omuri Nalukolongo aharwakashatu.

#WestUpdates