Aitsire munywani we ahabw’okumushanga abyami n’omukazi we.

N’ebya Omushaki weitu

MUBENDE

Omushaija omu disiturikiti ya Mubende nagambwa kuba aitsire munywani we bwanyima y’okumushanga abyami n’omukazi we.

Eki kibaireho Orwamukaaga ebiro 07.09.2024 omu kyaro kya Ngowa omugomborora eya Kiyuni. Nyakuteekateekwaho amanyirwe nka Kharisiti Mutatiina orikugambwa kuba acumitsire Ignitious Nyasiyo orikumanywa munonga nka Muhwezi kuruga omu disiturikiti eya Kagadi. 

Mutatiina nagambwa kuba acumitsire Nyasiyo omusyo bwanyima y’okumushanga abyami n’omukazi we omu kitanda kye.

Racheal Kawala, Omugambirizi wa Pooriisi ahabw’ekyanga Wamala naagira ngu omumwebazyo gw’orwamukaaga shaaha 3 z’ekiro, Mutatiina agarukire omuka nikwo kushanga Nyasiyo abyami n’omukazi we omu kitanda kye nikwo kukwata omusyo akamucumita akamwita. 

Naagira ngu omutumbi gw’omugyenzi gushangirwe omu kitanda kya Mutatiina. 

Omutumbu gwa Ignitious Nyasiyo gutwirwe omu kabafu ah’eirwariro erihango erya Mubende kukyeberwa obwo okuhiga banyakuteekateekwaho kurikugyenda omu maisho.

#WestUpdates